Dita e 12-të e protestës në Tiranë

Protesta e studentëve në Shqipëri shënon sot ditën e 12-të, ndërsa për këtë të shtunë, më 24 tetor, është paralajmëruar një tubim kombëtar në Tiranë.

Protestës së studentëve pritet t’i bashkohen edhe pedagogë, mjekë, artistë dhe përfaqësues të sindikatave, ndërsa pjesëmarrja është paralajmëruar edhe nga studentët e rretheve. Mobilizimi i sotëm synon ta shndërrojë protestën në një demonstrim më të gjerë të pakënaqësisë qytetare.

Protestat e zhvilluara gjatë 11 ditëve të fundit në Shqipëri janë shoqëruar me përplasje të dhunshme mes protestuesve dhe policisë, duke lënë dhjetëra persona të lënduar dhe duke shkaktuar dëme materiale në institucione publike e biznese, ndërsa gjatë përleshjeve janë përdorur gurë, mjete piroteknike dhe bomba molotov, ndërsa policia ka reaguar me gaz lotsjellës, topa uji dhe shkopinj gome.

Lexo edhe nga Nacionale

10 policë të plagosur në Tiranë, drejtori i Policisë: Sulmi ndaj komisariatit nuk është protestë Drejtori i Përgjithshëm i Policisë së Shtetit, Skënder Hita, ka reaguar pas sulmit ndaj Komisariatit të Policisë nr....

Protestat nisën me kërkesat e studentëve për uljen e tarifave të studimit, përmirësimin e kushteve në universitete dhe konvikte, rritjen e mbështetjes financiare dhe më shumë mundësi punësimi pas diplomimit, por më pas u zgjeruan në një lëvizje më të gjerë kundër korrupsionit dhe qeverisë së kryeministrit Edi Rama, me thirrje për dorëheqjen e tij, formimin e një qeverie teknike dhe mbajtjen e zgjedhjeve të parakohshme.

Të gjitha zhvillimet në 11-ditët e para të protestës mund t’i lexoni KËTU:

24/10/2026 08:28- Dita e 12-të e protestës së studentëve, tubime para Kryeministrisë e Ministrisë së Arsimit

Këtë të shtunë, më 24 tetor do të mbahet protesta e radhës studentore, e cila shënon ditën e saj të 12-të. Ashtu siç është njoftuar një ditë më parë, protesta pritet të nisë në orën 11:00 përpara Kryeministrisë.

Ndërkohë, në këtë tubim pritet të marrin pjesë të rinj, studentë, si dhe figura të artit dhe muzikës. Një tjetër tubim i të rinjve do të mbahet në orën 14:00 përpara Ministrisë së Arsimit, ku pritet që studentëve t’u bashkohen edhe pedagogët.

Sakaq, po këtë të shtunë, Partia Demokratike ka thirrur protestën e saj kombëtare, e cila pritet të nisë në orën 12:00, në shenjë solidariteti me studentët dhe të rinjtë