Me një shpërthim të kontrolluar, shembet një pjesë e një ure kryesore të një autostrade në Gjermani

Pjesë të një ure të madhe në autostradën A7 në Gjermani janë shembur me një shpërthim të kontrolluar, si pjesë e një projekti për ndërtimin e një strukture të re.

Ura mbi luginën Thalaubach, pranë Fulda, u rrëzua të dielën në mëngjes përpara mijëra spektatorëve.

Struktura 312 metra e gjatë, e ndërtuar në vitin 1968, u hodh në erë duke përdorur rreth 100 kilogramë eksploziv.

▶ Lexo edhe këtë nga Bota

Zjarri me gjashtë të vdekur në Zvicër, nuk ka prova se ka lidhje me terrorizmin Të paktën gjashtë persona kanë gjetur vdekjen dhe të tjerë janë lënduar pasi një autobus u përfshi nga...

– YouTube www.youtube.com

Para shpërthimit kryesor u krye një detonim i vogël për të trembur kafshët, ndërsa më pas shpërthimi i fuqishëm bëri që ura të shembej duke ngritur një re të madhe pluhuri.

Autoritetet kishin ndaluar hyrjen brenda një rrezeje prej 300 metrash për arsye sigurie.

Ura e re pritet të ndërtohet në faza, me projektin që kap vlerën rreth 115 milionë euro dhe që planifikohet të përfundojë plotësisht deri në vitin 2030. /Telegrafi/