Vizitori kapet me telefona të kamufluar gjatë hyrjes në Dubravë, ndërhyn Policia

Shërbimi Korrektues i Kosovës ka njoftuar se është parandaluar futja e kontrabandës në Qendrën Korrektuese të Dubravës.

Sipas njoftimit, gjatë një kontrolli rutinor të një vizitori, zyrtarët korrektues kanë gjetur të kamufluara në trupin e tij dy telefona mobilë të tipit iPhone dhe dy kartela SIM, të cilat janë konfiskuar menjëherë.

Për rastin është njoftuar Policia e Kosovës, ndërsa vizita është anuluar.

▶ Lexo edhe këtë

“Burgoset” NEWBORN, aktivistët e ” Liria ka emër” vendosin rrethoja simbolike të Gjykatës Speciale

Autoritetet kanë bërë të ditur se ndaj personit në fjalë janë ndërmarrë veprimet përkatëse në përputhje me procedurat ligjore në fuqi.

Shërbimi Korrektues i Kosovës theksoi se do të vazhdojë me kontrolle të rregullta dhe zbatim rigoroz të masave të sigurisë, me qëllim parandalimin e veprimeve të kundërligjshme dhe ruajtjen e rendit dhe sigurisë në institucionet korrektuese.