Në Serbi po mbahen sot zgjedhjet e parakohshme parlamentare, ku rreth 6.45 milionë qytetarë me të drejtë vote zgjedhin përbërjen e re të Parlamentit prej 250 ulësesh.
Në garë janë 18 lista zgjedhore, ndërsa shqiptarët e Luginës së Preshevës marrin pjesë të bashkuar përmes listës “Koalicioni Shqiptar”, e cila garon me numrin 17 dhe ka statusin e listës së pakicës kombëtare.
Vendvotimet janë hapur në orën 07:00 dhe do të mbyllen në orën 20:00, ndërsa procesi po zhvillohet në mijëra qendra votimi në gjithë Serbinë.
Këto zgjedhje paraqesin edhe një prej sfidave më të mëdha politike për Aleksandar Vuçiqin dhe kampin e tij në vitet e fundit, pasi përballë tij është fuqizuar lëvizja e udhëhequr nga studentët, e lindur nga protestat masive që kanë vazhduar për afro dy vjet dhe që tashmë është shndërruar në një forcë të rëndësishme elektorale.
Telegrafi do t’iu mbajë të informuar rreth zhvillimeve më të fundit.
25/10/2026 12:39-Dyshime për blerje votash në Zajeçar të Serbisë, mbërrin policia në vendin e ngjarjes
Ka dyshime se në Zajeçar të Serbisë mund të ketë ndodhur blerje votash.
Vëzhguesi Miladin Krstiq i tha një gazetari të TV Nova se qytetarë të shqetësuar kishin raportuar se kishin parë diçka që dukej si blerje votash, brenda një ambienti pranë një qendre votimi.
Për të lexuar lajmin e plotë, klikoni KËTU.
25/10/2026 12:38-Shaip Kamberi voton në Tërnoc, bën thirrje për dalje masive në zgjedhje
Shaip Kamberi, bartës i listës së Koalicionit Shqiptar, ka votuar në vendlindjen e tij, në Tërnoc.
Pas votimit, Kamberi ka falënderuar qytetarët që kanë ardhur nga Kosova për të kontribuar në procesin zgjedhor.
Për të lexuar lajmin e plotë, klikoni KËTU.
25/10/2026 12:36-Zgjedhjet në Serbi shkaktojnë kolona në disa pika kufitare, deri në 3 orë pritje për të dalë nga Kosova
Kolona të shumta janë regjistruar në disa pika të kalimit kufitar mes Kosovës dhe Serbisë, në ditën e votimit, ndërsa në Rashkë është raportuar fluks i shtuar i votuesve nga veriu i Kosovës.
Sipas të dhënave të publikuara nga Qendra Kombëtare për Menaxhim Kufitar, pritjet për automjetet në disa pika kufitare arrijnë deri në 30–40 minuta në hyrje dhe deri në 90–120 minuta (1 orë e 30 minuta deri në 2 orë) në dalje.
Për të lexuar lajmin e plotë, klikoni KËTU.
25/10/2026 12:35-Përleshje fizike në katër qendra votimi në Dolevac të Serbisë, rreth 30 persona sulmojnë anëtarët e këshillave zgjedhorë
Në qendrat e votimit 22, 25, 27 dhe 32 në Dolevac të Serbisë kanë ndodhur përleshje fizike, sipas Grupit Joformal të Studentëve nga Nishi.
Ata paralajmëruan se këto incidente kanë cenuar sigurinë e anëtarëve të këshillave zgjedhorë dhe mbarëvajtjen e procesit zgjedhor, transmeton Telegrafi.
Për të lexuar lajmin e plotë, klikoni KËTU.
25/10/2026 12:33-Serbët nga Zubin Potoku nisen drejt Serbisë për të votuar, kolonë e gjatë automjetesh në Bërnjak
Autobusë me qytetarë serbë nga komuna e Zubin Potokut janë nisur drejt Ribariqit, në komunën e Tutinit në Serbi, për të votuar në zgjedhjet e parakohshme parlamentare që po mbahen sot në këtë shtet.
Udhëtimi i qytetarëve po bëhet në mënyrë të organizuar, ndërsa autobusi i parë nga Zubin Potoku tashmë është nisur drejt vendvotimeve në Ribariq.
Për të lexuar lajmin e plotë, klikoni KËTU.
25/10/2026 12:32-Zgjedhjet parlamentare sot në Serbi, Koalicioni Shqiptar garon me numrin 17
Më 25 tetor në Serbi mbahen zgjedhjet e parakohshme për Parlamentin prej 250 ulësesh, në të cilat Koalicioni Shqiptar garon si subjekt i vetëm politik i shqiptarëve të Luginës së Preshevës, me numrin rendor 17, teksa serbët nga Kosova mund të votojnë në vendvotimet e vendosura në Vranjë, Kurshumli, Rashkë dhe Tutin.
Qendrat e votimit do të hapen në orën 07:00 dhe do të mbyllen në orën 20:00.
Për të lexuar lajmin e plotë, klikoni KËTU.
25/10/2026 12:27-Sot zgjedhjet parlamentare në Serbi, sfidë për pushtetin aktual
Vendvotimet në Serbi janë hapur të dielën për zgjedhjet e parakohshme parlamentare, ku 6.45 milionë qytetarë kanë të drejtë vote për të zgjedhur 250 deputetët e Kuvendit.
Në garë janë 18 lista zgjedhore me mbi 2,400 kandidatë, ndërsa votimi po zhvillohet në afro 8,400 vendvotime.
Për të lexuar lajmin e plotë, klikoni KËTU.
