Zelensky thotë se SHBA-ja po punon për të mundësuar një takim me Putinin

Mundësia e një takimi me presidentin rus Vladimir Putin mbetet ende në diskutim.

Presidenti i Ukrainës, Volodymyr Zelensky, e bëri të ditur këtë gjatë një bisede me gazetarët, sipas një korrespondenti “Ukrinform”, përcjell Telegrafi.

Lexo edhe nga Bota

Çmimi i një pakoje të cigareve në Gjermani mund të arrijë në afro 12 euro deri në vitin 2030 Në Gjermani, një pako mesatare me 20 cigare kushton aktualisht rreth 8,05 euro, por kjo mund të ndryshojë...

“Shtetet e Bashkuara po punojnë për këtë. Ato kanë propozuar një takim trepalësh”, citohet të ketë thënë Zelensky.

Sipas tij, takimi mund të zhvillohet në një vend të Lindjes së Mesme, siç janë Emiratet e Bashkuara Arabe apo Arabia Saudite, ose në Shtetet e Bashkuara gjatë samitit të G20-ës.

“Megjithatë, ende nuk ka asnjë konfirmim, as nga Rusia dhe as nga Shtetet e Bashkuara”, ka vënë në dukje Zelensky.

Sipas tij, po shqyrtohet gjithashtu mundësia e një takimi në ndonjë nga vendet evropiane.

“Do të shohim se si do të rrjedhin gjërat pak më vonë”, shtoi Zelensky.

Siç raporton “Ukrinform”, Ukraina vazhdon të bashkëpunojë me të dërguarit e posaçëm të presidentit amerikan Donald Trump për t’i dhënë fund agresionit rus. /Telegrafi/