Sindikatat zvicerane të ndara për financimin e pensionit të 13-të

Sindikatat zvicerane janë ndarë lidhur me mënyrën e financimit të pensionit të 13-të, që do të jetë objekt i votimit popullor më 29 nëntor.

Sindikata e Shërbimeve Publike (SSP) kundërshton rritjen e TVSH-së me 0.4 pikë përqindjeje, duke argumentuar se sigurimi pensional AVS ka rezerva prej rreth 60 miliardë frangash dhe se pensioni shtesë duhet të financohet përmes kontributeve sociale.

Lexo edhe nga Bota

Çka është PHP-ja dhe pse shkaktoi një alarm global për sigurinë kibernetike? Për më shumë se një dekadë, të meta serioze kishin mbetur të pazbuluara në teknologjinë që qëndron në...

Në anën tjetër, Unioni Sindikal Zviceran (USS) mbështet rritjen e TVSH-së, pasi Parlamenti e ka miratuar këtë zgjidhje për të shmangur deficitin në financimin e pensioneve, shkruan Swissinfo, transmeton Telegrafi.

Sipas presidentit të USS-së, Pierre-Yves Maillard, rritja do të kushtonte rreth 7 deri në 10 franga në muaj për person.

SSP e konsideron këtë masë të padrejtë nga pikëpamja sociale, pasi barra bie edhe mbi pensionistët.

Ndërkohë, propozimi parashikon që norma standarde e TVSH-së të rritet nga 8.1% në 8.5%, ndërsa produktet e domosdoshme, përfshirë ushqimet dhe barnat, të mos preken nga rritja./Telegrafi/