Sergio Ramos mund të rikthehet në futbollin elitar evropian, pasi Aston Villa raportohet se po shqyrton mundësinë e transferimit të mbrojtësit spanjoll gjatë këtij afati kalimtar.
Sipas raportimeve të mediave evropiane, të publikuara edhe nga TNT Sports Argentina, klubi nga Birminghami po e vlerëson seriozisht mundësinë e afrimit të qendërmbrojtësit veteran.
Lajmi ka nxitur reagime të shumta në rrjetet sociale, ku kanë qarkulluar edhe montazhe fotografike që tregojnë se si do të dukej Ramos me fanellën e Aston Villas.
40-vjeçari është lojtar i lirë pas përfundimit të aventurës te Monterrey në Meksikë.
Paraqitjen e tij të fundit zyrtare e regjistroi në dhjetor të vitit 2025, kur luajti me fanellën e skuadrës meksikane në gjysmëfinalet e Liga MX, përpara se të përshëndetej me tifozët.
Që nga ajo kohë, legjenda e futbollit spanjoll ka vazhduar të stërvitet individualisht, në pritje të një oferte që do t’i mundësonte rikthimin në një kampionat elitar evropian./Telegrafi/
