Qendra për Menaxhimin e Krizave (QMK) informon se sot, deri në orën 18:00, në territorin e vendit janë regjistruar gjithsej 19 zjarre në hapësira të hapura.
Nga këto, situata e zjarreve mbetet dinamike – 10 zjarre janë aktive, 1 është vënë nën kontroll, ndërsa 8 janë shuar plotësisht nga shërbimet kompetente.
Ekipet arritën të vënë nën kontroll një zjarr më të madh që shtrihet në zonën midis komunave Makedonski Brod dhe Sopishte.
QMK-ja u bën vazhdimisht thirrje qytetarëve për vigjilencë maksimale, respektim të rreptë të ndalimit të lëvizjes në pyje dhe për përmbajtje nga ndezja e zjarreve në ambiente të hapura, me qëllim parandalimin e dëmeve të reja materiale dhe rrezikimin e jetës së njerëzve./Telegrafi/
