Në seancën e parë të rregullt për vitin 2026, është miratuar buxheti i Këshillit Kombëtar Shqiptar.
Ky vendim përbën një hap të rëndësishëm drejt forcimit të funksionimit institucional dhe avancimit të aktiviteteve në shërbim të qytetarëve shqiptarë në Luginën e Preshevës. Pavarësisht sfidave dhe kufizimeve financiare, mbetet prioritet që çdo mjet buxhetor të administrohet me përgjegjësi të lartë, transparencë dhe në funksion të interesit të përgjithshëm.
Këshilli mbetet i përkushtuar për të vazhduar punën në mbrojtjen dhe avancimin e të drejtave kolektive, si dhe në zhvillimin e projekteve me rëndësi për komunitetin shqiptar.
