Lamine Yamal ka nisur procesin e rikuperimit pas dëmtimit në kofshë që pësoi gjatë fitores së Barcelona ndaj Celta Vigos.
Sipas raportimeve të “Cadena SER”, talenti spanjoll pritet të qëndrojë jashtë fushave për një periudhë prej gjashtë deri në tetë javë, ndërsa tashmë ka filluar stërvitjet e lehta në palestër dhe në fushë për të rikthyer formën optimale.
Qëllimi kryesor i 18-vjeçarit është të jetë gati për Kampionatin Botërorë, ku Spain national team do të nisë aventurën më 15 qershor përballë Kepit të Gjelbër.
Yamal po ndjek një program të personalizuar rikuperimi të hartuar nga stafi mjekësor i Barcelonës, me synimin për të arritur nivelin maksimal fizik në kohë për turneun.
Prania e tij konsiderohet thelbësore për skuadrën e trajnerit Luis de la Fuente, duke pasur parasysh formën e tij të shkëlqyer dhe ndikimin që ka pasur në lojën e kombëtares.
Kujtojmë se Yamal ishte një nga figurat kyçe në suksesin e Spanjës në Euro 2024, duke konfirmuar statusin e tij si një nga talentet më premtues të futbollit botëror. /Telegrafi/
