Dolly Parton thuhet se kishte një dëshirë të fundit shumë të qartë: të mos lejonte askënd ta shihte në gjendjen e saj të rënduar gjatë ditëve të fundit të jetës.
Sipas raportimeve të TMZ, këngëtarja legjendare lejoi vetëm grimieren dhe stilisten e saj, Cheryl Riddle, ta vizitonte në shtratin e vdekjes.
Riddle kishte për detyrë të kujdesej që Parton të dukej në mënyrën më të mirë edhe pas vdekjes.
Parton thuhet se kishte një arkivol të hapur, ndaj kujdesi për pamjen e saj ishte veçanërisht i rëndësishëm.
Ajo nuk dëshironte që fansat dhe njerëzit e afërt ta kujtonin përmes momenteve të fundit të jetës.
Personi tjetër që e pa këngëtaren para vdekjes ishte nipi i saj, Bryan Seaver, i cili e vizitoi një ditë më parë.
Sipas raportimeve, Parton i besoi atij edhe detyrën për të njoftuar publikun për ndarjen e saj nga jeta.
Ndërkohë, raportohet se vëllezërve dhe motrave të saj nuk iu lejua ta vizitonin në shtratin e vdekjes.
Artistja u përcoll në një ceremoni private dhe u varros në Nashville, pranë bashkëshortit të saj, Carl Dean, i cili kishte ndërruar jetë në mars të vitit 2025. /Telegrafi/
