Dukagjini dhe Drenica kanë barazuar 1-1 në ndeshjen e vlefshme për javën e 10-të të Superligës së Kosovës, në një përballje ku të dy golat u shënuan në pjesën e parë.
Skuadra vendase e nisi mirë takimin dhe në minutën e katërt pati mundësinë të kalonte në epërsi nga pika e bardhë, por nuk arriti ta shfrytëzonte penalltinë, me Altin Merlakun, që gaboi nga pika e bardhë.
Megjithatë, Dukagjini nuk vonoi shumë për të gjetur golin e avantazhit. Në minutën e pestë, Elton Basri realizoi me kokë për 1-0, duke i dhënë epërsinë skuadrës së tij.
Kushtrim Gashi e la në lloq Dukagjinin, duke u ndëshkuar me karton të kuq direkt në minutën e 16-të.
Drenica reagoi dhe në minutën e 20-të arriti ta barazonte rezultatin në 1-1, me golin e shënuar nga Agim Zeka.
Në pjesën e dytë rezultati nuk ndryshoi, pavarësisht përpjekjeve të të dyja skuadrave për të gjetur golin e fitores.
Kështu, Dukagjini dhe Drenica u desh të kënaqen me nga një pikë nga kjo përballje e xhiros së 10-të. /Telegrafi/
