Maqedonci: Qendra për Studime Universitare e FSK-së ka fituar riakreditimin pesëvjeçar

Ministri i Mbrojtjes, Ejup Maqedonci ka bërë të ditur se Qendra për Studime Universitare (QSU) e Forcës së Sigurisë së Kosovës ka fituar riakreditimin pesëvjeçar, duke kaluar nga akreditimi trevjeçar në atë pesëvjeçar.

Ai në një postim në Facebook shkruan se investimi në edukimin dhe përgatitjen e oficerëve të ardhshëm është investim në të ardhmen e FSK-së.

Lexo edhe nga Nacionale

“E mjera Serbi!”, ish- ministri gjerman Roth kritikon pretendimet e Daçiqit për Prizrenin Deklarata e ish-kryediplomatit serb, Ivica Daçiq, se flamuri serb do të valojë një ditë mbi Prizren, ka nxitur...

Lexoni të plotë postimin e tij:

Për herë të parë, Qendra për Studime Universitare (QSU) e Forcës së Sigurisë së Kosovës ka fituar riakreditimin pesëvjeçar, duke kaluar nga akreditimi trevjeçar në atë pesëvjeçar.

Ky sukses është dëshmi e punës së vazhdueshme që po bëjmë për avancimin e edukimit ushtarak dhe ngritjen e standardeve akademike e profesionale në FSK. Si Ministri e Mbrojtjes, mbetemi të përkushtuar në modernizimin e programeve të studimit, zhvillimin profesional të stafit dhe krijimin e mundësive të reja për kadetët tanë.

Investimi në edukimin dhe përgatitjen e oficerëve të ardhshëm është investim në të ardhmen e FSK-së. Përgëzoj drejtuesit dhe gjithë stafin e QSU-së për punën dhe përkushtimin e tyre në arritjen e këtij suksesi!