Kryeministri i Shqipërisë, Edi Rama sërish i është drejtuar qytetarëve pas protestave të dhunshme në disa qytete të vendit, duke thënë se nuk do të përkulen përballë dhunë dhe do të dalin më të fortë, gjersa përsëriti se shkatërrimi i qytetit nuk mund të jetë nga dora e studentëve.
Ai tha se kjo është dora e mbrapshtë që e ka ndjekur Shqipërinë si mallkim që nga viti 1912 dhe e se dinë shumë mirë prej kujt është, duke shtuar se është prej më shumë se 30 vitesh dhe mbështetet edhe nga duar të huaja që nuk e duan Shqipërinë e qetë, të ecë përpara dhe që nuk duan Shqipërinë pjesë e familjes evropiane.
“Kjo është gërmadha e jetës, e punës, e ëndrrave e një familjeje të zakonshme, prindërit e zakonshëm që hapin derën çdo mëngjes për të çuar në mbrëmje të ardhurat dhe për shtruar tryezën me ndershmëri. Dua t’u them të gjithëve atyre që sot janë me lot në sy përballë gërmadhave të ngjashme dhe që jetojnë me një sipërmarrje të vogël në Tiranë se nuk janë vetëm. Sapo kjo flamë të kalojë, ne do të jemi aty bashkë. Dhe dua t’ju them të mos e harrojnë se përballuam një tërmet të llahtarshëm me pasoja… dhe ia dolëm së bashku. Ata që humbën shtëpinë për 30 sekonda janë në shtëpi më të mira, më të forta.
“Si mund të jenë studentët?! Si mund të jetë investimi i prindërve te fëmijët e tyre kjo gërmadhë?! Kjo nuk ka lidhje me studentët… E gjithë kjo flamë s’është flamë studentore. E gjithë kjo pengmarrje e qytetit me maska, nuk ka të bëjë fare me hallet dhe problemet, aspiratat legjitime të gjithkujt që do një jetë më të mirë. E gjitha kjo është po ajo dorë që ka kapur për fyti opozitën shqiptare dhe që është gati ta djegë dhe shkatërruar jo njëherë Shqipërinë dhe që është gati ta djeg e shkatërroj përsëri për të mos e lënë të bëjë përpara, në një luftë qorre dhe ku urrejtja më e verbër dhe ku flakët e dasisë janë e vetmja dritë arsyeje”, tha Rama.
“Si mund të nxirren të miturit në rrugë, të vënë maska e të qëllojnë policinë”, tha Rama.
Tutje, kryeministri i Shqipërisë theksoi se kjo është dora e mbrapshtë që e ka ndjekur Shqipërinë si mallkim që nga viti 1912 dhe e se dinë shumë mirë prej kujt është prej më shumë se 30 vitesh dhe mbështetet edhe nga duar të huaja që nuk e duan Shqipërinë e qetë, të ecë përpara dhe që nuk duan Shqipërinë pjesë e familjes evropiane.
“A ju duket rastësi që sapo Shqipëria çel një tjetër dritë jeshile, sa më shumë afrohet drejt atij objektivi historik, këtu plas flaka?! Nuk është aspak rastësi e gjithë kjo që po ndodh. Është një provë, sprovë, test i karakterit tonë dhe një tjetër hap që ne do ta hedhim së bashku, përballë një pengese të madhe që na është vënë përpara. Studentët, sipërmarrësit, prindërit e tyre, kanë të drejtë të kërkojnë më shumë dhe jemi këtu për të bërë më të mirën. Kush thotë që të përkulemi përballë dhunës për pakëz qetësi gabon. Kjo do të thotë ta humbësh qetësinë dhe ta humbësh rrugën për një kohë të gjatë. Motra dhe vëllezër durim, durim, se edhe kjo do kalojë. Do të dalim më të fortë dhe më të vetëdijshëm për sfidën e përbashkët që kemi përpara”, vijon ai. /Telegrafi/
