Sipas mediave spanjolle, Real Madridi po e ndjek me shumë interes situatën rreth sulmuesit ndoshta më të mirë në botë, Erling Haaland.
Gazeta El Mundo njoftoi se Real Madridi ka marrëdhënie të shkëlqyera me familjen e Haalandit dhe agjentët e tij, dhe se komunikimi i drejtpërdrejtë midis dy palëve ka vazhduar prej vitesh.
Siç dihet, presidenti i Real Madridit, Florentino Perez, ka vite që dëshiron të krijojë një linjë sulmuese që do të shënojë dekadën e ardhshme.
🚨💣 CONFIRMED: Real Madrid are interested in signing Erling Haaland.Multiple people inside the club LOVE his profile.The player wants to play in Spain one day. @lejournaldureal 🇳🇴 https://t.co/3D1bpVqEKT
— Madrid Zone (@theMadridZone) October 13, 2026
Edhe pse ata sollën Kylian Mbappe, Haaland shihet në Madrid si një “nëntësh” klasik, të cilin skuadra nuk e ka pasur që nga largimi i Karim Benzemas.
Ju kujtojmë se Manchester City po përballet me presion ligjor dhe sportiv për shkak të akuzave për shkelje të rregulloreve financiare të Ligës Premier, dhe ata e shohin shansin e tyre te Reali.
Nga ana tjetër, që kur mbërriti te City në vitin 2022, Haaland ka thyer shumë rekorde, duke shënuar gjithsej 193 gola në të gjitha garat. /Telegrafi/
