Momente dramatike janë regjistruar në Kiev, ku njerëzit u detyruan të evakuohen nga dritaret e një ndërtese historike pasi ajo u godit nga një dron rus.
Ndërtesa e Akademisë Kombëtare të Shkencave të Ukrainës u përfshi nga zjarri pas sulmit, ndërsa tymi i zi u përhap mbi zonën përreth.
Pamjet tregojnë njerëz të dalë në dritare, ndërsa kërkojnë të largohen nga ndërtesa e përfshirë nga flakët, transmeton Telegrafi.
Zjarrfikësit ndërhynë menjëherë dhe ndihmuan banorët dhe personat e bllokuar të dilnin përmes dritareve, ndërsa nga ndërtesa ngrihej një kolonë e madhe tymi të zi.
Kryetari i Kievit, Vitaliy Klitschko, tha se sulmi shkaktoi një viktimë dhe tre persona të plagosur.
Autoritetet ukrainase po vlerësojnë dëmet dhe po hetojnë rrethanat e sulmit. /Telegrafi/
