Naomi Campbell tërhoqi vëmendjen gjatë Javës së Modës në Milano, ku u shfaq me një fustan shkëlqyes me dekolte të theksuar, ndërsa mori pjesë në një mbrëmje në klubin e natës Twiga.
Supermodelja 56-vjeçare u fotografua duke hyrë në lokal, ku më pas performoi edhe si DJ.Sipas raportimeve, Campbell mund të jetë zhvendosur nga Londra në Milano, pasi është mahnitur prej vitesh nga qyteti italian gjatë vizitave të saj për Javën e Modës.
Forbes raportoi se modelja ka vendosur të ketë si bazë të re një pronë në një nga zonat më ekskluzive të Milanos.
Campbell ka nxitur edhe më shumë këto spekulime përmes postimeve në rrjetet sociale nga Milano, ku ka përdorur hashtagun “#CASA” dhe ka publikuar fotografi me miq të saj në qytet.
Edhe pse ka lindur në Londër dhe kalon shumë kohë atje, Naomi aktualisht nuk ka një banesë të përhershme në kryeqytetin britanik.
Ajo zotëron prona në New York dhe Kenia, teksa në të kaluarën ka jetuar edhe në Moskë gjatë lidhjes së saj me miliarderin rus Vladislav Doronin.
Përveç karrierës së suksesshme në modë, Naomi është edhe nënë e dy fëmijëve, një vajze dhe një djali, të cilët i ka mirëpritur përmes një nëne surrogate.
Ka folur po ashtu shpesh për rëndësinë që fëmijët kanë në jetën e saj dhe ka theksuar se ata janë prioriteti kryesor. /Telegrafi/
