Kërcënoi mësuesen e djalit se do t’i “priste kokën”, babai dënohet me burg

Një gjykatë franceze ka dënuar një burrë me gjashtë muaj burg pasi kërcënoi se do t’i “priste kokën” një mësuese në shkollën e djalit të tij.

I pandehuri u përball me mësuesen e djalit të tij në parkingun e shkollës në qytetin jugperëndimor të Le Fauga javën e kaluar, pasi nëntëvjeçari u transferua në një klasë tjetër për shkak të sjelljes së tij.

Lexo edhe nga Bota

Fitorja e AfD-së trondit Gjermaninë, çfarë sinjali është për pjesën tjetër të Evropës? “Një tërmet socio-politik”, “një moment që shënon kthesë për Gjermaninë”. Kështu e kanë përshkruar analistët politikë dhe shumë...

Ai e kërcënoi mësuesen 58-vjeçare se do t’ia priste kokën përpara se të hynte në shkollë, ku i përsëriti kërcënimet para drejtorit të shkollës.

Në seancën dëgjimore, i pandehuri kërkoi falje, duke thënë se “nuk e kishte kuptuar seriozitetin” e fjalëve të tij.

Duke e përshkruar veten si “shumë, shumë mbrojtës” ndaj fëmijëve të tij, ai tha se nuk ishte një person i dhunshëm dhe nuk e dinte çfarë i kishte ndodhur atë ditë.

Mësuesja është aktualisht në pushim mjekësor dhe nuk është e sigurt nëse do të kthehet në klasë, sipas avokates së saj, Jocelyn Momasso-Momasso.

Ai tha se ajo ishte “e traumatizuar”.