Një prototip i supermakinës luksoze Bugatti Tourbillon është përplasur nga pas nga një Volkswagen Polo në rrugët malore të Sierra Nevada në Spanjë.
Pamjet e incidentit, të publikuara në rrjetet sociale, janë bërë virale për shkak të diferencës së madhe në vlerën e dy automjeteve.
Bugatti Tourbillon pritet të kushtojë rreth 3.98 milionë euro, ndërsa një Volkswagen Polo kushton shumë më pak.
Sipas pamjeve, prototipi ndaloi shpejt për shkak të punimeve në rrugë, ndërsa drejtuesi i Polo-s duket se reagoi me vonesë.
Megjithatë, ende nuk është konfirmuar zyrtarisht shkaku i përplasjes apo përgjegjësia për aksidentin.
Tourbillon do të prodhohet në vetëm 250 ekzemplarë dhe fuqizohet nga një motor V16 8.3-litërsh, i kombinuar me motorë elektrikë, me një fuqi totale prej 1,341 kW. /Telegrafi/
