Një burrë në shtetin amerikan të Kolorados pati një surprizë të frikshme kur hapi derën e kamionit të tij dhe gjeti një ari të ulur në ulësen e pasagjerit.
Ngjarja ndodhi në Steamboat Springs, ku kamera e sigurisë së një shtëpie aty pranë regjistroi momentin kur burri hapi derën e automjetit dhe u përball papritur me kafshën e egër brenda kabinës.
Sipas raportimeve, ariu kishte hyrë në kamion përmes një dritareje të lënë hapur dhe po kërkonte ushqim brenda automjetit.
Pavarësisht se dera ishte hapur, kafsha nuk doli menjëherë, por vazhdoi të kontrollonte pjesën e brendshme të kamionit.
Pronari më pas mori një dërrasë druri dhe e përdori për ta trembur ariun, derisa kafsha u largua nga automjeti. Kamioni nuk pësoi dëmtime serioze dhe nuk pati të lënduar.
Ngjarje të tilla janë bërë më të zakonshme në zonat e Kolorados ku arinjtë afrohen pranë banesave në kërkim të ushqimit, duke i bërë autoritetet të paralajmërojnë banorët që të mos lënë ushqime apo mbeturina të pambrojtura. /Telegrafi/
