Arbër Pajaziti po merr pjesë në Samiti i IV i Diasporës, i cili ka nisur punimet në Tirana, me ftesë të Ministrisë për Evropë dhe Punët e Jashtme.
Në një njoftim publik, Pajaziti theksoi se ky samit ka bashkuar shqiptarë nga të gjitha anët e botës, duke dëshmuar rëndësinë dhe fuqinë që ka diaspora shqiptare në zhvillimin e vendeve tona.
Gjatë ceremonisë hapëse dhe aktiviteteve të ditës së parë, ai bëri të ditur se pati mundësinë të takohet dhe të shkëmbejë mendime me bashkëkombas nga diaspora, si dhe me përfaqësues të institucioneve të shtetit shqiptar.
Sipas tij, gjatë dy ditëve në vijim pritet të zhvillohen një sërë takimesh me qëllim forcimin e bashkëpunimit dhe krijimin e lidhjeve zhvillimore ndërmjet Bujanoc dhe shqiptarëve që jetojnë dhe veprojnë në vende të ndryshme të botës.
Pjesëmarrja në këtë samit konsiderohet një hap i rëndësishëm drejt zgjerimit të bashkëpunimit ndërkombëtar dhe përfshirjes më të madhe të diasporës në zhvillimin lokal./BujanociNet/
