Evlis Rexhbeçaj drejt largimit nga Augsburgu, por dy klube nga Bundesliga kanë interesim

Mesfushori i Kosovës, Elvis Rexhbeçaj, pritet të ndryshojë skuadër në fund të sezonit, por jo kampionat, duke e vazhduar qëndrimin në Bundesligë.

Sipas raportimeve të Kicker, 28-vjeçari nuk do të vazhdojë me Augsburg, megjithatë synon të mbetet pjesë e elitës gjermane.

Rexhbeçaj ka një përvojë të pasur në elitën gjermane, me plot 210 ndeshje të zhvilluara për Wolfsburg, Köln, Bochum dhe Augsburgun.

▶ Lexo edhe këtë nga Sport

PSG-ja synon ta përfundojë transferimin e yllit të Real Madridit në verë Real Madrid synon të bëjë disa transferime gjatë verës, por gjithashtu mund të lejojë largimin e disa lojtarëve...

Që nga transferimi i tij në vitin 2022, ai ka regjistruar 115 paraqitje dhe gjashtë gola me këtë të fundit.

Interesimi për shërbimet e tij nuk mungon. Dy nga klubet më të interesuara janë Werder Bremen dhe Borussia Monchengladbach, të cilat e kanë ndjekur prej kohësh mesfushorin kosovar.

Megjithatë, e ardhmja e Rexhbeçajt mund të varet edhe nga fati i këtyre skuadrave në kampionat, pasi mbijetesa në Bundesligë mbetet një faktor kyç për realizimin e transferimit.

Me kontratën që i skadon në verë, ai pritet të largohet si lojtar i lirë dhe të nisë një kapitull të ri në karrierë. /Telegrafi/