“Na mbytën” – Balerinat e vogla përlotin Rogertin dhe Mirin gjatë sfidës së mosreagimeve

Një sfidë e veçantë është zhvilluar në shtëpinë e Big Brother VIP Albania, ku banorët u vendosën përballë provës së mosreagimeve.

Në kuadër të kësaj sfide, në ambientet e shtëpisë hynë disa balerina të vogla, të cilat herë vallëzonin e herë eksploronin hapësirat, duke krijuar një atmosferë të ëmbël dhe emocionale.

Më pas, vajzat dolën në oborr duke luajtur pranë pishinës, ku ndodheshin edhe Rogerti dhe Miri.

▶ Lexo edhe këtë nga Magazina

Labi reagon ashpër pas intervistës së Klodit: Mos më detyro të flas për natën e party-t çfarë është thyer dhe pse u ndal transmetimi Pas intervistës së fundit të Klodit, ka ardhur një reagim i fortë nga Labinot Rexha, i cili ka...

Pavarësisht sfidës për të mos reaguar, të dy nuk i mbajtën dot emocionet dhe shpërthyen në lot, të prekur nga kujtimet familjare.

“Sa e bukur kjo gjëja, më kujton gocën kur e çova në balet kur ka qenë 4 vjeçe”, thotë Miri.

“Ta ruajtë Zoti, e kishe yll”, i përgjigjet Rogerti.

“Po mendoja për mbesën time, s’ma ka fajin ajo që s’e kam njohur për pesë vite”, shprehet Rogerti.

“Do të takoheni, keni kohë”, e ngushëllon Miri.

“Kam humbur momente të bukura kur ka qenë foshnje”, përfundon Rogerti.

Ky moment solli emocione të forta në shtëpi, duke treguar edhe një herë anën më njerëzore të banorëve. /Telegrafi/