AC Milan e fiton derbin e pesë golave ndaj Torinos

AC Milani ka shënuar fitore të madhe në shtëpi ndaj Torinos, në kuadër të xhiros së 30-të në Serie A.

“Rossonerët” arkëtuan pikët e plota me rezultat të ngushtë 3-2.

Ishte Strahinja Pavlovic që shënoi një eurogol nga distanca për të zhbllokuar rezultatin (36’).

▶ Lexo edhe këtë nga Sport

Hekuran Kryeziu publikon listën e Kosovës U-21 për kualifikueset e Euro 2027, të ftuar shumë lojtarë të Superligës Përfaqësuesja e Kosovës U21 ka shpallur listën e futbollistëve të ftuar për ndeshjet e muajit mars në kuadër...

Sidoqoftë, Torino u kundërpërgjigj përmes Giovanni Simeone, i cili shënoi pas topit të kthyer nga tentimi i parë (44’).

Milani në pjesën e dytë ishte fantastik për të rikthyer epërsinë përmes Adrien Rabiot pas asistimit të Christian Pulisic (54’).

Kurse, tre minuta më vonë Youssouf Fofana e vulosi fitoren pas bashkëpunimit me Athekame (56’).

E tëra që bëri Torino ishte goli i dytë dhe njëkohësisht i fundit përmes Nikola Vlasic (84’).

Me këtë fitore, Milani rimerr pozitën e dytë me 63 pikë ndërsa Torino zë pozitën e 14-të me 33 sosh./Telegrafi/