Moment emocionues në Bernabeu: Talenti i Real Madridit përqafon babanë në tribunë pas debutimit në Ligën e Kampionëve

Një skenë prekëse pas ndeshjes së Real Madridit ndaj Manchester Cityt në kuadër të fazës së 1/8-tës të luajtur në Santiago Bernabeu është bërë virale në rrjetet sociale.

Një moment tejet emocionues është kapur nga kamerat pas fitores së madhe 3-0 të Real Madridit ndaj Manchester Cityt në Ligën e Kampionëve, duke prekur zemrat e tifozëve në gjithë botën.

Talenti i ri i Real Madridit, Manuel Angel, përjetoi një nga momentet më të mëdha të jetës së tij sportive: debutimin në Ligë e Kampionëve në stadiumin legjendar Santiago Bernabeu. Por, ajo që e bëri këtë natë edhe më të veçantë ishte ajo që ndodhi menjëherë pas ndeshjes.

▶ Lexo edhe këtë

Vitinha e shpjegon se sa e vështirë ishte për PSG-në kur startonin Messi, Mbappe dhe Neymar

Pas përfundimit të takimit, lojtari i ri iu drejtua tribunave ku e priste babai i tij. Të dy u përqafuan mes emocionesh të mëdha, në një skenë që u përhap me shpejtësi në rrjetet sociale dhe u cilësua nga shumë tifozë si një nga momentet më të bukura të natës.

Debutimi në një ndeshje kaq të madhe është ëndrra e çdo futbollisti të ri, e aq më tepër kur ndodh me fanellën e Real Madridit dhe përballë një kundërshtari të fortë si City.