Real Madrid ka dominuar plotësisht pjesën e parë të përballjes ndaj Manchester City, duke shkuar në pushim me epërsi të thellë 3-0, falë një paraqitjeje të jashtëzakonshme të Federico Valverde.
Ndeshja nisi me ritëm të lartë dhe rastin e parë serioz e krijuan madrilenët në minutën e 8-të, kur Brahim Diaz u gjend në pozitë të mirë brenda zonës, por goditja e tij u ndal pa shumë vështirësi nga portieri Gianluigi Donnarumma.
Manchester City reagoi shpejt dhe në minutën e 19-të ishte shumë afër golit, kur Bernardo Silva provoi me një goditje të fuqishme nga distanca, por topi kaloi shumë pranë shtyllës së majtë.
Megjithatë, një minutë më vonë erdhi goli i parë i ndeshjes. Portieri Thibaut Courtois nisi një aksion të shpejtë me një pasim të gjatë për Valverde, i cili u gjend përballë portierit kundërshtar. Mesfushori uruguaian e mashtroi portierin dhe me qetësi e dërgoi topin në rrjetë për 1-0.
What a bizarre goal Valverde 🙄! RMA are leading against ManCity #RMAMCI
pic.twitter.com/zUfpdLVNt9
— The Final Whistle (@Rufus_45) March 11, 2026
