Sot (e shtunë) janë në program për t’u zhvilluar dy takime interesante në kuadër të javës së dytë të Albi Mall Superligës së Kosovës.
Xhiroja e dytë e sezonit 2026/27 ka nisur të premten me një ndeshje, ku Malisheva dhe Drenica luajtën baras 1-1
Gjatë ditës së sotme janë në program për t’u zhvilluar edhe dy takime tjera, por në orare të ndryshme.
Ndeshja e parë e ditës është ajo në mes të Ballkanit dhe Vushtrrisë, e paraparë të zhvillohet në stadiumin e qytetit në Suharekë, nga ora 16:30.
Përballja tjetër mes Dukagjinit dhe Feronikelit ’74 ishte paraparë gjithashtu të luhet nga ora 16:30, por tani do të luhet nën dritën e reflektorëve.
Për herë të parë në Klinë do të luhet nën drita, pasi ndeshja në stadiumin “18 Qershori” do të fillojë nga ora 19:00. /Telegrafi/
