Të gjithë pasagjerët dhe ekuipazhi u shpëtuan pasi trageti “KMP Batumandi” u përfshi nga flakët pranë portit Merak, në Indonezinë perëndimore, të martën.
Sipas mediave të huaja, përcjell Telegrafi, ekipet e shpëtimit evakuuan të gjithë pasagjerët dhe ekuipazhin nga trageti që u përfshi nga flakët të martën, ndërsa po i afrohej portit Merak në provincën Banten, në Indonezinë perëndimore.
Një shtëllungë e dendur tymi u ngrit nga “KMP Batumandi”, i cili po përgatitej të ankorohej.
Për fat të mirë, nuk raportohet për viktima.
A fire broke out aboard the KMP Batumandi as the ferry approached Merak Port in western Indonesia on Tuesday, triggering an emergency evacuation. All passengers and crew were safely evacuated within an hour as rescue teams worked to contain the blaze. https://t.co/SQJ1LjXw5F
— Al Jazeera English (@AJEnglish) October 20, 2026
Anija ishte nisur nga Bakauheni, në skajin jugor të Sumatrës, rreth orës 14:52.
Rreth dy orë më vonë, personeli në breg vuri re flakë pranë pjesës së pasme të anijes.
Operatori njoftoi se evakuimi përfundoi brenda një ore.
Një pasagjer tregoi se tymi u dendësua, frymëmarrja u bë e vështirë, ndërsa nga tavani rridhte naftë.
Shkaku i zjarrit ende nuk dihet ndërkohë që autoritetet portuale, agjencia e kërkim-shpëtimit dhe policia po merren ende me menaxhimin e situatës. /Telegrafi/
