Kylian Mbappe vazhdon të shkëlqejë në futbollin evropian, duke lënë pas edhe legjendat franceze me një rekord të veçantë. Sulmuesi i Real Madridit shënoi sërish në Ligën e Kampionëve, duke konfirmuar formën e shkëlqyer që po kalon.
Real Madridi u përball me Leipzigun në “Santiago Bernabéu”, në kuadër të xhiros së tretë të fazës së ligës në Ligën e Kampionëve.
Mbappé realizoi golin e tretë të madrilenëve në minutën e 83-të, pas një pasimi nga Jan Diomande, duke e dërguar topin në rrjetë me një goditje të saktë.
SEE HOW BEAUTIFUL MBAPPE GOAL TONIGHT IS😍😍😍 https://t.co/u5XzDwIbDq
— Golazo Show (@GolazoShow1) October 21, 2026
Sipas statistikave të publikuara nga rrjeti “Stats Foot”, ky ishte goli i 25-të i Mbappés për Real Madridin gjatë vitit kalendarik 2026.
Ky realizim e bëri francezin lojtarin e parë nga vendi i tij që shënon të paktën 25 gola për një klub në njërën prej pesë ligave kryesore evropiane në dhjetë vite kalendarike radhazi.
Seria e Mbappés nisi në vitin 2017, kur ai ishte pjesë e Monacos. Po atë verë, sulmuesi u transferua te Paris Saint-Germaini, ku vazhdoi të shënonte rregullisht për gjashtë vite të tjera.
🇫🇷 Kylian Mbappé devient le 1er joueur français de l’histoire à atteindre les 25 buts avec un club du 5 grands championnats en compétition officielle lors de 10 années consécutives. #RMARBL
— Stats Foot (@Statsdufoot) October 21, 2026
Pas kalimit te Real Madridi, Mbappé e ka vazhduar këtë ecuri edhe në kryeqytetin spanjoll, duke e regjistruar për të tretin vit radhazi këtë arritje me fanellën e gjigantit madrilen.
Në moshën e tij, Mbappé vazhdon të shkruajë histori dhe të ndërtojë një karrierë që e vendos mes sulmuesve më të spikatur të futbollit modern. /Telegrafi/
