“Nuk kam dhënë shembull të mirë”, Ola flet për situatën e rëndë kur ofendoi publikisht prezantuesen Arbana Osmani

Ola ka folur hapur për situatën e krijuar gjatë ditëve të fundit në “Ferma VIP”, duke pranuar se reagimet e saj mund të kenë dhënë energji negative dhe duke theksuar se, nëse publiku e konsideron të gabuar, ajo nuk do të donte të qëndronte më gjatë në lojë.

E pyetur për atë që po ndodh dhe për mënyrën se si po e përjeton gjithë këtë, Ola u shpreh se do të zhgënjehej nëse do të mbahej brenda, në rast se ajo vërtet u ka transmetuar negativitet njerëzve.

“Nëse unë u kam dhënë energji negative njerëzve, do zhgënjehesha nëse do më mbanin. Dua që nga këtu të dalin figura të pastra e të japin një shembull. Unë nuk e kam bërë”, tha ajo.

Lexo edhe nga Magazina

“Merre se ta jap për fytyre, bushtër” – Adioni kalon çdo kufi me gjuhë fyese ndaj Mimoza Ahmetit në Ferma VIP Situata në spektaklin Ferma VIP ka marrë një kthesë të fortë, me tensione të larta mes banorëve që...

Ola shtoi se e ka çuar veten në një pikë ku tashmë gjykohet nga publiku, ndërsa ndjen se nuk ka më si t’u përgjigjet komenteve dhe vlerësimeve që po i bëhen. Sipas saj, kur gabon, pasojat i ndjen menjëherë.

“E kam çuar veten në atë pikë që të më gjykojnë dhe nuk mund t’u kthej përgjigje. Kur bën keq, të vret”, u shpreh Ola. Ndërkohë, fermerët kanë dhënë edhe mendimet e tyre për situatën e krijuar të hënën, duke e komentuar me tone të ndryshme, por kryesisht me qasje reflektuese.

Sara tha se e ka përjetuar rëndë atë që ndodhi dhe se e ka shprehur hapur mërzinë e saj, duke theksuar se Ola ka vlera dhe mund t’i shprehë ndryshe ato. “Jam ndjerë shumë keq dhe e kam shprehur. Nuk jam ndjerë mirë për situatën. Ola ka shumë vlera dhe mund t’i shpreh”, tha Sara.

Edhe Soni u shpreh se Ola vetë e ka kuptuar se reagimi i saj ishte i gabuar, ndërsa shtoi se pesha e situatës bëhet edhe më e madhe kur përfshihet familja. “Edhe vetë e ka kuptuar që ishte një reagim i gabuar. E rëndon përballja me situatën dhe me familjen”, deklaroi Soni.

Nga ana tjetër, Moza tha se po pret vendimin e publikut, ndërsa la të kuptohet se nëse Ola qëndron në fermë, do të shohë mundësinë për të folur me të — por nëse nuk krijohet hapësirë, do ta shmangë.

“Po pres vendimin e publikut dhe nëse qëndron do shoh mundësinë për të folur. Nëse nuk krijohet, do e shmang”, u shpreh Moza.

Situata mbetet tashmë në duart e publikut, ndërsa pritet të shihet se si do të reflektohet kjo ngjarje në vazhdimësinë e lojës dhe në marrëdhëniet brenda fermës. /Telegrafi/