Shtatë vjet më parë, Harry Kane ishte në Prishtinë me Anglinë për përballjen ndaj Kosovës, në ndeshjen e fundit të eliminatoreve për “Euro 2020”.
Sot, emri i kapitenit anglez është në majën e futbollit botëror, pasi ka fituar çmimin prestigjioz, Topin e Artë.
Ai fitoi mbi Kylian Mbappen dhe Lamine Yamalin, të cilët dolën në pozitat dy dhe tre, ndërsa anglezi, nga fansat e futbollit në Kosovë, kujtohet edhe për paraqitjet e tij në “Fadil Vokrri”.
Harry Kane, fitues i “Topit të Artë’ telegrafi.com
Anglia triumfoi në Prishtinë
Më 17 nëntor 2019, stadiumi “Fadil Vokrri” ishte skena e një përballjeje të veçantë për Dardanët, të cilët pas një fushate mbresëlënëse kualifikuese e pritën Anglinë në ndeshjen e fundit të grupit.
Anglia fitoi me rezultat 4-0, në një takim ku Harry Kane ishte ndër protagonistët kryesorë. Kapiteni anglez shënoi një gol dhe asistoi për një tjetër, duke dëshmuar edhe një herë rëndësinë e tij për përfaqësuesen.
Harry Kane në “Fadil Vokrri” telegrafi.com
Kane realizoi golin e dytë të Anglisë në minutën e 79-të, ndërsa në kohën shtesë asistoi për Mason Mountin, i cili vulosi rezultatin përfundimtar.
Përveç Harry Kane dhe Mason Mount, golat për Anglinë në atë fitore I shënuan edhe Harry Winks (32’) dhe Marcus Rashford (83’).
– YouTube www.youtube.com
Kane vlerësoi atmosferën në Prishtinë
Pas ndeshjes, sulmuesi anglez kishte folur për vështirësitë e përballjes në Prishtinë, duke përmendur terrenin dhe motivimin e Kosovës, por edhe mënyrën se si Anglia arriti ta menaxhonte takimin.
“Ishte një ndeshje e vështirë, një terren i vështirë. Vendasit ishin të gatshëm gjithnjë dhe ne e kishim fituar tashmë grupin, prandaj psikologjikisht nuk ishte e lehtë të shkonim sërish”.
“Por mendoj se e menaxhuam mirë dhe ishim klinikë. Rezultati 4-0 është fantastik”, kishte deklaruar Kane.
Kombëtarja e Anglisë në “Fadil Vokrri”
Kane shënoi edhe në ndeshjen spektakolare 5-3 ndaj Kosovës
Harry Kane kishte shënuar edhe në përballjen e parë mes Anglisë dhe Kosovës, të zhvilluar më 10 shtator 2019 në Southampton, ku anglezët triumfuan 5-3 në një ndeshje spektakolare të kualifikimeve për “Euro 2020”.
Kosova e nisi ndeshjen në mënyrë të jashtëzakonshme, duke kaluar në epërsi pas vetëm 34 sekondash me golin e Valon Berishës, pas asistimit të Vedat Muriqit.
Anglia reagoi me golat e Raheem Sterlingut në minutën e tetë dhe Harry Kane në të 19-tën, ndërsa një autogol i Mërgim Vojvodës dhe dy realizimet e Jadon Sanchos në minutat 44 dhe 45+1 e çuan rezultatin në 5-1 para pushimit.
Goli i Harry Kane në portën e Kosovës
Megjithatë, Dardanët nuk u dorëzuan. Valon Berisha shënoi golin e tij të dytë në minutën e 49-të, ndërsa Vedat Muriqi realizoi nga penalltia në të 55-tën, duke e ngushtuar rezultatin në 5-3.
Harry Kane madje humbi penalltinë në minutën e 65-të në atë ndeshje, ku Arijanet Muric priti goditjen e tij.
Kane shënoi në të dyja përballjet ndaj Kosovës në atë cikël kualifikues, duke realizuar edhe në fitoren 4-0 të Anglisë në stadiumin “Fadil Vokrri”, më 17 nëntor 2019.
– YouTube www.youtube.com
Sot në kulmin e futbollit
Në atë kohë, Kane ishte tashmë një prej sulmuesve më të njohur në botë, por shtatë vjet më vonë ai e ka arritur një tjetër pikë kulmore në karrierën e tij, duke fituar Topin e Artë.
Rrugëtimi i tij drejt këtij vlerësimi është dëshmi e vazhdimësisë dhe ndikimit që ka pasur në futbollin evropian.
Nga golat me Tottenhamin dhe Anglinë, deri te paraqitjet me Bayern Munichun, Kane ka vazhduar të jetë një emër i rëndësishëm në skenën ndërkombëtare.
Kur rrugët e Unai Simon u kryqëzuan me Kosovën: Nga goli spektakolar i Besar Halimit, te çmimi Yashin
Dhe Prishtina mbetet një prej vendeve ku ai ka lënë gjurmë në rrugëtimin e tij. Në stadiumin “Fadil Vokrri”, Kane shënoi dhe asistoi në një fitore të Anglisë, ndërsa sot historia e tij lidhet me një prej çmimeve më prestigjioze të futbollit botëror. /Telegrafi/
