Haxhiu priti Camajn, diskutuan për avancimin e bashkëpunimit ndërmjet Kosovës dhe Malit të Zi

Kryetarja e Kuvendit të Republikës së Kosovës, Albulena Haxhiu, priti sot në takim nënkryetarin e Kuvendit të Malit të Zi, Nikollë Camaj, i cili po qëndron në Kosovë me rastin e shënimit të 18-vjetorit të pavarësisë.
Në takim i diskutua për marrëdhëniet e ngushta që ekzistojnë midis dy vendeve dhe për mundësitë e avancimit të mëtejmë të tyre, sidomos në rrafshin parlamentar.
Kryetarja Haxhiu e njohu z. Camaj me procesin e krijimit dhe konsolidimit të institucioneve të reja në Kosovë, të dala nga zgjedhjet e 28 dhjetorit dhe me përkushtimin e tyre për forcimin e rendit demokratik, sundimit të ligjit dhe zhvillimit të qëndrueshëm ekonomik e social të vendit.
Nënkryetari i Kuvendit të Malit të Zi, Nikollë Camaj, uroi kryetaren Haxhiu për përvjetorin e pavarësisë së Kosovë dhe po ashtu për detyrën e saj të re në krye të Kuvendit të Kosovës.
Camaj theksoi përkushtimin e shtetit malazez për thellimin e bashkëpunimit midis dy vendeve, në frymën e bashkëpunimit e të miqësisë, si dhe konfirmoi mbështjen për procesin e anëtarësimit të Kosovës në Këshillin e Evropës dhe në NATO.
Kryetarja Haxhiu dhe nënkryetari Camaj diskutuan gjithashtu për mundësitë e avancimit të marrëdhënieve midis dy parlamenteve, nëpërmjet shkëmbimit të përvojave dhe praktikave më të mira legjislative, përfshirë këtu grupet e miqësisë, si një instrument i rëndësishëm i bashkëpunimit parlamentar.

Lexo edhe nga Nacionale

Osmani: Pas zgjedhjeve, i thashë Abdixhikut që emri im të mos propozohej për presidente Deputetja e LDK-së Vjosa Osmani, ka treguar se pas zgjedhjeve të 6 qershorit kishte njoftuar LDK-në se nuk...