Gati gjysma e britanikëve nuk do të merrnin armët në rast lufte

Gati gjysma e britanikëve do të refuzonin të merrnin armët në rast lufte, tregojnë rezultatet e një ankete të realizuar nga agjencia Ipsos.

Sipas rezultateve, 48 për qind e britanikëve thanë se nuk do të ishin të gatshëm të luftonin për vendin e tyre, ndërsa 36 për qind deklaruan se do ta bënin këtë në rrethana të caktuara. Për 16 për qind të të anketuarve nuk u publikuan të dhëna të veçanta.

Lexo edhe nga Bota

Goditet karteli i kokainës, sekuestrohen 43 tonë d**** në operacionin ndërkombëtar Europoli, në bashkëpunim me agjencitë policore të Spanjës dhe Ekuadorit, ka zhvilluar një operacion të madh ndërkombëtar, të...

Ipsos vlerëson se përqindjet kanë mbetur pothuajse të pandryshuara krahasuar me prillin e vitit 2025, pavarësisht shqetësimeve në rritje për kërcënimet nga vende si Rusia, Kina dhe Irani.

Megjithatë, anketa tregon se 51 për qind e britanikëve mbështesin rritjen e shpenzimeve për mbrojtjen dhe forcat e armatosura.

Kjo përqindje është pothuajse dyfish më e lartë se në qershor të vitit 2022, kur një rritje e tillë mbështetej nga 28 për qind e të anketuarve.

Anketa u realizua nga 29 shtatori deri më 1 tetor, me pjesëmarrjen e 1.090 qytetarëve britanikë të rritur. /Telegrafi/