Avokatë, mjekë dhe përfaqësues të komuniteteve fetare në SHBA po bëjnë thirrje për pezullimin e ekzekutimeve, pas dështimit të ekzekutimit të Christa Pike në Tennessee.
Pike, 50 vjeçe, ishte planifikuar të ekzekutohej për vrasjen e një bashkëmoshatari në vitin 1995.
Gjatë procedurës, ajo mori dy doza të plota pentobarbital, por mbeti gjallë dhe u dërgua për trajtim mjekësor.
Dëshmitarët thanë se, edhe rreth një orë pas injektimit të parë, ajo ende merrte frymë dhe kishte puls.
Avokatët e saj thanë se ende nuk dihet shkalla e dëmtimit të mundshëm të trurit nga mungesa e oksigjenit.
Rasti ka shtuar kritikat ndaj mënyrës së ekzekutimeve në SHBA.
Ekspertë dhe aktivistë kanë vënë në dukje edhe raste të tjera të dështuara, përfshirë ekzekutime me injeksion vdekjeprurës dhe gaz azoti.
Pike do të ishte gruaja e parë e ekzekutuar në Tennessee pas më shumë se 200 vitesh.
Thirrjet për një moratorium kombëtar vijnë në një kohë kur numri i ekzekutimeve në SHBA është rritur. Vitin e kaluar u regjistruan 47 ekzekutime në 12 shtete, numri më i lartë në 16 vjet. /Telegrafi/
