Jennifer Garner dhe partneri i saj prej vitesh, John Miller, u fotografuan së bashku në një dalje të rrallë në Los Angeles, teksa shëtisnin qentë e tyre në lagjen Brentwood.
Aktorja 54-vjeçare dhe biznesmeni shijuan një pasdite të qetë në Kaliforninë Jugore, të veshur në mënyrë sportive.
Garner kishte zgjedhur një bluzë gri, geta të errëta, çizme, kapelë bejsbolli dhe syze dielli, ndërsa Miller u shfaq me një bluzë gri dhe xhinse, shkruan DailyMail.
Çifti, i cili ka preferuar ta mbajë lidhjen larg vëmendjes së publikut, u pa duke shëtitur secili nga një prej dy qenve të tyre.
Dalja vjen vetëm pak ditë pasi ata u fotografuan së bashku për herë të parë pas më shumë se një viti, gjatë një darke në Santa Monica.
Garner dhe Miller nisën lidhjen në vitin 2018, pak pas divorcit të aktores nga Ben Affleck.
Dyshja u nda për pak kohë në vitin 2020, por u ribashkua një vit më vonë dhe që atëherë ka vazhduar marrëdhënien e saj kryesisht në privatësi.
Në vitet e fundit, çifti ka qenë në qendër të spekulimeve për një lidhje gjithnjë e më serioze, ndërsa në vitin 2025 u fotografuan edhe duke u puthur.
Megjithatë, Garner dhe Miller kanë zgjedhur të mos komentojnë publikisht detajet e marrëdhënies së tyre. /Telegrafi/
