Robert Kelly, gazetari i njohur si “BBC Dad”, ka publikuar fotografi të reja familjare, gati nëntë vjet pasi fëmijët e tij u bënë të famshëm në internet gjatë një interviste të drejtpërdrejtë të BBC-së.
Në mars të vitit 2017, Kelly po fliste përmes një videoje nga shtëpia e tij në Busan të Koresë së Jugut, kur vajza e tij katërvjeçare, Marion, hyri papritur në dhomë.
Pak sekonda më vonë, edhe vëllai i saj i vogël hyri me karrocën e tij.
Bashkëshortja e Kellyt, Jung-a Kim, u fut me nxitim në dhomë dhe i mori fëmijët, ndërsa gazetari përpiqej të vazhdonte intervistën duke mbajtur seriozitetin para kamerës.
Videoja u bë një nga momentet më të famshme të internetit, duke grumbulluar dhjetëra miliona shikime dhe duke e kthyer familjen në një fenomen online.
Tani, Kelly ka ndarë fotografi të reja nga jeta familjare.
Ai publikoi pamje nga një shëtitje me djalin e tij dhe një festival ku ishte me bashkëshorten, ndërsa tregoi se James tashmë është 10 vjeç dhe Marion 13.
“Ka kohë që nuk kam postuar përmbajtje të BBC Dad”, shkroi Kelly, ndërsa fotografitë u pritën me nostalgji dhe humor nga ndjekësit në rrjetet sociale. /Telegrafi/
