Barcelona po shqyrton mundësinë e përforcimit të repartit defensiv gjatë afatit kalimtar të janarit, ndërsa në listën e emrave të pëlqyer nga klubi katalunas raportohet se është edhe Willian Pacho i Paris Saint-Germainit.
Sipas gazetarit Ekrem Konur, drejtuesit e Barcelonës po përgatitin një lëvizje të mundshme për të tentuar transferimin e qendërmbrojtësit ekuadorian gjatë dimrit.
Megjithatë, operacioni pritet të jetë mjaft i vështirë, duke pasur parasysh rëndësinë e futbollistit në skuadrën e drejtuar nga Luis Enrique.
Barcelona ka nevojë për më shumë siguri në mbrojtje, pasi lëndimet dhe mungesat e futbollistëve si Jules Koundé dhe Eric García ia kanë vështirësuar punën trajnerit Hansi Flick.
🚨 #Barcelona Barcelona are preparing a move for Paris Saint-Germain centre-back Willian Pacho in the January transfer window.📞 The 25-year-old Ecuador international joined PSG in August 2024 and remains under contract until 2031.🔄 Barcelona are said to be closely monitoring Pacho as they look to strengthen their defensive options.⏳ Manchester City and Arsenal are also among the clubs interested in the highly-rated defender. 🇪🇨
— Ekrem KONUR (@Ekremkonur) October 31, 2026
Përballjet e fundit ndaj kundërshtarëve të nivelit të lartë kanë nxjerrë sërish në pah dobësitë e repartit defensiv katalunas.
Në këtë kontekst, Pacho shihet si një profil që mund t’i ofrojë Barcelonës stabilitet dhe cilësi në qendër të mbrojtjes.
Mourinho trazon Barcelonën, humbja në El Clasico zbulon probleme që po mbaheshin të fshehta
Ekuadoriani iu bashkua PSG-së në verën e vitit 2024, pasi u transferua nga Eintracht Frankfurti, dhe që atëherë është shndërruar në një lojtar të rëndësishëm për skuadrën franceze.
Një tjetër pengesë për Barcelonën është kontrata e tij. PSG-ja njoftoi në shtator të vitit 2026 vazhdimin e marrëveshjes me Pacho deri në qershor të vitit 2031, çka e vendos klubin francez në një pozitë të favorshme në rast të negociatave./Telegrafi/
