Autoritetet indoneziane kanë shpëtuar 103 persona pasi një anije pasagjerësh me më shumë se 240 persona në bord humbi kontaktin në Detin e Javës, mes motit të keq.
Anija Virgo Transport 8 ishte nisur nga Surabaya drejt Banjarmasin të shtunën, por më pas humbi komunikimin.
Sipas autoriteteve, 140 persona rezultojnë ende të zhdukur, ndërsa një person ka humbur jetën.
Ekipet e kërkim-shpëtimit kanë dërguar anije dhe një helikopter në zonën ku u regjistrua për herë të fundit sinjali i anijes.
Autoritetet po koordinojnë operacionin me institucionet detare, ndërsa kushtet e motit po monitorohen nga afër.
Incidenti vjen vetëm një muaj pas një trageti që mori flakë pranë ishullit Madura, ku humbën jetën pesë persona.
