Këngëtarja Albërie Hadërgjonaj ka rikthyer në vëmendje një nga historitë më të komentuara të edicionit të parë të Big Brother VIP Albania, atë të Beatrix Ramosajt dhe Donald Veshajt.
E ftuar në emisionin “Live me Luizin”, Hadërgjonaj foli për eksperiencën e mbesës së saj në reality shou, duke u ndalur te ndjenjat që ajo krijoi për aktorin gjatë qëndrimit në shtëpi dhe reagimet e shumta që pasuan këtë marrëdhënie.
“Ndjenja është e verbër”, u shpreh këngëtarja, duke theksuar se dashuria dhe pëlqimi nuk mund të planifikohen apo të gjykohen gjithmonë sipas pritshmërive të të tjerëve.
Sipas saj, Beatrix ishte një vajzë e re që kishte pëlqyer dikë dhe kjo, në vetvete, nuk duhej të shndërrohej në një çështje kaq të madhe.
Hadërgjonaj u shpreh se nuk mund të kesh një lloj formule për ndjenjat, pasi ato lindin natyrshëm dhe jo gjithmonë përputhen me atë që të tjerët presin.
– YouTube www.youtube.com
“Ndjenja është e verbër, nuk është se ke laps e letër për dashurinë, për dikë që e pëlqen. Një vajzë e re ishte, pëlqeu një djalë, që nuk ishte ndonjë gjë që u bë aq e madhe, nuk ishte asgjë e jashtëzakonshme”, deklaroi tutje.
Këngëtarja shtoi se, në fund, secili zgjedh rrugën e vet dhe se jo çdo marrëdhënie është e destinuar të zgjasë.
@topchanneltvalbania “Ndjenja është e verbër…”/ Albërie Hadërgjonaj flet për eksperiencën e Beatrix Ramosaj në Big Brother Vip Albania: Pëlqeu një djalë…
♬ original sound – Top Channel – Big Brother Vip
Historia e Beatrixës dhe Donaldit ishte ndër më të komentuarat gjatë edicionit të parë, kjo pas një raporti tjetër publik që kishte ai me dikë tjetër. /Telegrafi/
