Adriana Lima eci edhe një herë në pasarelën e sfilatës së modës Victoria’s Secret, pamja e saj u karakterizua nga një kombinim i dantellës së gjelbër neoni me një instalacion të mrekullueshëm me lule rozë.
Supermodelja braziliane 45-vjeçare ishte plot buzëqeshje ndërsa eci në pasarelën e një sfilate të mbajtur në Los Angeles të dielën, më 18 tetor, sipas revistës Hello!.
Flokët e saj të gjatë ngjyrë kafe ishin të stiluara në formë onde me një ndarje në qendër, dhe grimi i saj përfshinte sy të theksuar dhe një nuancë rozë në faqe dhe buzë.
Lima mbante veshur një kostum trupi me dantella me lule, dekolte të thellë dhe bark transparent. Dizajni përfshinte edhe çarje në bel të lidhura me rripa të hollë jeshilë dhe një cep me rrudha në pjesën e poshtme me prerje të lartë.
Ajo e kompletoi pamjen me taka jeshile me majë të hapur dhe byzylykë me shkëlqim në të dy kyçet e dorës.
Pas saj ishte një strukturë me lule rozë të zbehtë në degë të holla, që formonin krahë të mëdhenj lulesh rreth shpatullave dhe kokës së saj. Me ndriçimin rozë në sfond, skena ishte veçanërisht mbresëlënëse.
Shfaqja e këtij viti u mbajt në Sony Studios në Culver City, dhe krahas Limës, në pasarelë ecën edhe Gigi Hadid, Candice Swanepoel, Anok Yai, Alex Consani dhe Precious Lee. Programi muzikor u drejtua nga Tate McRae, Megan Thee Stallion, Megan Moroney dhe Katseye.
Për Limën, kjo performancë është një vazhdim i një bashkëpunimi me Victoria’s Secret që ka zgjatur gati tre dekada. Ajo filloi të punojë me markën në vitin 1998 dhe bëri paraqitjen e saj të parë në sfilatë një vit më vonë. Ajo u rikthye në pistë në vitin 2024, ndërsa viti 2025 shënoi paraqitjen e saj të 20-të në Shfaqjen e Modës Victoria’s Secret.
