Kos: Ndryshimet në Ligjin për Specialen janë të papranueshme, pengojnë rrugën e Kosovës drejt BE-së

Komisionarja evropiane për Zgjerim, Marta Kos, ka deklaruar se ndryshimet e fundit në Ligjin për Dhomat e Specializuara të Kosovës janë të papranueshme dhe se miratimi e zbatimi i tyre do të binin ndesh me zotimet e Kosovës ndaj Bashkimit Evropian.

Në një postim, Kos ka bërë të ditur se ka diskutuar për rrugën e integrimit evropian të Kosovës me kryenegociatorin e Kosovës, Jeton Zulfaj.

Lexo edhe nga Nacionale

Shiroka-Pula priti përfaqësueset e strehimoreve të Kosovës Presidentja e Republikës së Kosovës, Justina Shiroka-Pula, ka pritur në takim një delegacion të përfaqësueseve të strehimoreve të...

Ajo ka vlerësuar se, pavarësisht paqëndrueshmërisë institucionale gjatë dy vjetëve të fundit, Kosova ka shënuar përparim në reformat që lidhen me sundimin e ligjit dhe Planin e Rritjes, si dhe ka bërë hapa të rëndësishëm drejt përfshirjes në Zonën Unike të Pagesave në Euro (SEPA).

Megjithatë, komisionarja evropiane ka shprehur kundërshtimin e saj ndaj ndryshimeve të fundit në ligjin që rregullon Dhomat e Specializuara.

“Por, ndryshimet e fundit në Ligjin për Dhomat e Specializuara të Kosovës janë të papranueshme. Miratimi dhe zbatimi i tyre do të binin ndesh me zotimet e Kosovës ndaj BE-së. Ato do të përbënin një hap serioz prapa në rrugën e Kosovës drejt BE-së”, ka shkruar Kos.

Ajo ka theksuar se respektimi i sundimit të ligjit dhe i institucioneve të pavarura gjyqësore është thelbësor për avancimin e Kosovës në procesin e integrimit evropian.

“Respektimi i sundimit të ligjit dhe i institucioneve të pavarura gjyqësore është thelbësor për përgatitjen e hapave të ardhshëm në rrugën e Kosovës drejt BE-së”, ka theksuar komisionarja evropiane.

I discussed Kosovo’s EU integration path with Chief Negotiator @JetonZulfaj today. In spite of the institutional instability in the past 2 years, Kosovo has advanced with reforms on the rule of law and the Growth Plan. It has made good progress towards the introduction of SEPA. But the recent amendments to the law on the Kosovo Specialist Chambers are unacceptable. Their adoption and implementation would go against Kosovo’s commitments to the EU. They would be a serious step back on Kosovo’s EU path.Respect for the rule of law and independent judicial institutions are essential to prepare the next steps on Kosovo’s EU path.
— Marta Kos (@MartaKosEU) October 15, 2026