D.J. nga Koçani, i akuzuari i parë në rastin “Pulse”, është dënuar me një masë të re paraburgimi prej 30 ditësh, njoftojnë nga Gjykata Themelore Penale në Shkup.
Gjykatësi i procedurës paraprake e pranoi propozimin e prokurorit publik nga Prokuroria Publike për ndjekjen penale të krimit të organizuar dhe korrupsionit, pasi i dyshuari foli në prani të avokatit të tij mbrojtës dhe u shqyrtuan faktet dhe provat e bashkangjitura propozimit.
Paraburgimi u urdhërua për shkak të rrezikut të arratisjes, si dhe për shkak të frikës së bazuar se i dyshuari mund të pengonte hetimin duke ndikuar te dëshmitarët.
Masa e re fillon të zbatohet më 3 tetor 2026, pasi D.J. aktualisht është në paraburgim në rastin që lidhet me zjarrin në diskotekë “Pulse”.
Në hetimin e sapohapur, D.J. dyshohet për veprën penale të “dhënies së ryshfetit”, sipas nenit 358 paragrafi 1 të Kodit Penal./Telegrafi/
