Rutte me mesazh të prerë drejt Putinit: Nuk mund të na përçajë rreth Ukrainës

Sekretari i Përgjithshëm i NATO-s, Mark Rutte, ka deklaruar se Kremlini po përpiqet të përçajë aleatët dhe t’i pengojë ata të vazhdojnë mbështetjen për Ukrainën.

“Kremlini po përpiqet të na përçajë dhe të na zmbrapsë nga mbështetja për Ukrainën. Mesazhi ynë është i qartë: ruani qetësinë, vazhdoni përpara dhe vazhdoni mbështetjen për Ukrainën”, tha Rutte.

Lexo edhe nga Bota

Vila private, pishina dhe fushë golfi – zbulohet kompleksi “i fshehur” për të dënuarit VIP në Indonezi Një kompleks i fshehtë banimi për të burgosur të pasur është zbuluar në burgun Cibinong, në provincën Java...

Ai theksoi se pasojat e luftës nuk po i përjeton vetëm Ukraina, por edhe Rusia.

“E gjithë Rusia po paguan një çmim të madh për luftën që ai ka zgjedhur”, deklaroi kreu i NATO-s, duke iu referuar presidentit rus, Vladimir Putin.

Shefi i aleancës tha se dhjetëra mijëra të rinj rusë po dërgohen drejt vdekjes çdo muaj dhe e kritikoi udhëheqjen ruse për vazhdimin e luftës.

Sipas tij, Rusia nuk po arrin objektivat e saj në fushëbetejë dhe përpjekjet për të frikësuar vendet që mbështesin Ukrainën nuk kanë pasur sukses.

“Ai po dështon në fushëbetejë dhe po dështon të na frikësojë”, tha Rutte.

Ndryshe, mediat perëdimore kanë raportuar se mbi një milion ushtarë rusë kanë vdekur në përpjekjet për pushtimin e Ukrainës. /Telegrafi/