Nuk ka ende epokë të re për Portugalinë: Cristiano Ronaldon titullar ndaj Uellsit

Përzgjedhësi i Portugalisë, Jorge Jesus ka konfirmuar se Cristiano Ronaldo pritet të startojë në ndeshjen e Ligës së Kombeve ndaj Uellsit.

Sulmuesi 41-vjeçar pritet të jetë në formacionin titullar në sfidën që do të zhvillohet në Lisbonë, për sa kohë që nuk do të ketë ndonjë problem gjatë seancës së fundit stërvitore para ndeshjes.

Lexo edhe nga Sport

Debutim ëndrrash për djalin e Sambas: Dy gola dhe spektakël në fitoren 5-0 të Manchester Cityt Si babai, si i biri! Floyd Samba ka bërë një debutim ëndrrash me ekipin e parë të Manchester...

“A do të startojë Ronaldo? Sot do të jetë stërvitja ime e parë në fushë. Dje ishte kryesisht për rikuperim. Nëse nuk ndodh diçka e pazakontë, Cris do të startojë”.

Portugalia është fokusuar te rikuperimi në përgatitjet për ndeshjen e radhës në Ligën e Kombeve, me skuadrën që vetëm të mërkurën është rikthyer në punën e plotë në fushë.

Pavarësisht moshës, Ronaldo vazhdon të jetë një prej lojtarëve kryesorë të Kombëtares së Portugalisë dhe pritet ta udhëheqë sulmin ndaj Uellsit.

Ndeshja do të zhvillohet më 24 shtator në stadiumin “Jose Alvalade” në Lisbonë./Telegrafi/