Të paktën 11 të vdekur nga të shtënat masive në një festë në një shtëpi në Afrikën e Jugut

Të paktën 11 persona janë vrarë gjatë një sulmi me armë zjarri në një festë në shtëpi në Afrikën e Jugut.

Siç raportohet, tre burra hynë dhe hapën zjarr në një banesë në KwaMakhutha, e cila ndodhet rreth 30 km në jug të qytetit Durban në bregun lindor, mbrëmjen e së martës.

Një nga viktimat ishte një grua që dyshohet se ishte shtatzënë, tha policia në një deklaratë. Tre persona të tjerë mbetën të plagosur.

Lexo edhe nga Bota

‘Krizë’ në Izrael, vendi përballet me mungesë trupash dhe pajisjesh ushtarake Ushtria izraelite po përballet me mungesë të konsiderueshme të personelit dhe pajisjeve ushtarake, pas gati tre vitesh operacionesh...

Policia bëri të ditur se po kërkonte autorët e dyshuar dhe se nuk ishte kryer asnjë arrestim.

Shërbimi Policor i Afrikës së Jugut deklaroi: “Informacionet në dispozicion në këtë fazë sugjerojnë se 13 burra dhe një grua, e cila dyshohet se ishte shtatzënë, po merrnin pjesë në një festë brenda një shtëpie, kur tre burra mbërritën dhe hapën zjarr ndaj tyre”.

“Dhjetë viktima, përfshirë gruan, humbën jetën në vendngjarje, ndërsa katër të tjerë u dërguan në spital, ku njëri prej tyre ndërroi jetë si pasojë e plagëve të marra nga të shtënat”.

Motivi i sulmit nuk është i qartë, por policia tha se disa nga personat e pranishëm në shtëpi njiheshin prej tyre në kuadër të hetimeve për aktivitete kriminale.

Policia u shpreh se nuk mund të jepte më shumë informacion lidhur me ato hetime.

“Megjithëse motivi i sulmit nuk mund të konfirmohet ende, nuk mund të përjashtohet mundësia e një konflikti mes grupeve rivale”, tha policia. /Telegrafi/