Klubi katalunas, Barcelona thuhet se i ka vendosur vetes një afat për të përfunduar transferimin e Julian Alvarez nga Atletico Madridi, në të kundërt do të fokusohet te alternativat tjera, pasi transferimi i një sulmuesi është i domosdoshëm këtë verë.
Sipas gazetës Mundo Deportivo, Barcelona do të kërkojë alternativa nëse nuk arrin të gjejë një zgjidhje në ndjekjen e sulmuesit të Atletico Madrid, Julian Alvarez , në dy ose tre ditët e ardhshme.
Gjigantët katalunas janë të gatshëm të bëjnë gjithçka për sulmuesin argjentinas, por vetëm nëse Atletico zbut qëndrimin e tyre në ditët në vijim.
Por ky nuk ka qenë rasti gjatë gjithë verës, me trajnerin Diego Simeone që së fundmi përsëriti se vendimi i bordit të Atleticos nuk ka ndryshuar, dmth. Alvarez nuk është në shitje.
Megjithatë, 26-vjeçari, nga ana e tij, së shpejti do të takohet me drejtorin ekzekutiv të klubit, Miguel Angel Gil Marin, për të shprehur dëshirën e tij për të nënshkruar për Blaugranët.
Raporti shton se Barca do të sqarohet më shumë mbi situatën para ndeshjes hapëse të La Ligës kundër Elche këtë fundjavë. /Telegrafi/
