Arbër Hoxha ka gjetur rrugën e rrjetës për herë të parë në edicionin e ri të elitës së futbollit kroat, duke lënë gjurmë në fitoren e thellë të Dinamo Zagrebit ndaj Rudesit.
Dinamo nuk pati shumë telashe përballë mysafirëve, duke triumfuar me rezultat 4-0 në ndeshjen e vlefshme për javën e tretë të kampionatit.
Hoxha e vulosi paraqitjen e tij me gol në minutën e 63-të, kur realizoi golin e katërt të skuadrës së Zagrebit dhe i dha fund çdo dileme për fituesin.
Sulmuesi i Kombëtares së Shqipërisë ishte në fushë gjatë gjithë takimit dhe me paraqitjen e tij u rendit ndër lojtarët më të spikatur të ndeshjes.
Për Hoxhën, ky është goli i parë në kampionat për sezonin 2026/27, ndërsa Dinamo Zagrebi vazhdon të ndërtojë një start pozitiv në kampionatin kroat./Telegrafi/
