Bayern Munichu i dërgon mesazh Realit, e “shkatërron” Union Berlinin

Bayern Munich ka marrë një fitore të thellë në udhëtim te St.Pauli, në kuadër të xhiros së 29-të në Bundesliga.

“Bavarezzët” edhe pse pushuan disa nga lojtarët kryesorë për Real Madridin, zhvilluan një paraqitje të shkëlqyer për të triumfuar me rezultat 0-5.

Pas vetëm nëntë minutave lojë, Jamal Musiala me një gol të bukur e kaloi Bayernin në epërsi.

▶ Lexo edhe këtë nga Sport

Hansi Flick iu bën të qartë lojtarëve të Barcelonës: Gjysmëfinalen e Ligës së Kampionëve ta sigurojmë qysh në ndeshjen e parë Trajneri i Barcelona, Hansi Flick dëshiron që skuadra e tij ta “mbyllë” që në ndeshjen e parë çerekfinalen...

Ndërsa, ishte Leon Goretzka që dyfishoi epërsinë me një goditje nga distanca (53’).

Vetëm dy minuta më vonë, gjermani asistoi për Michael Olise, që u përkujdes për golin e tretë (55’).

Kurse, golin e katërt e realizoi Nicolas Jackson pas bashkëpunimit me Musialan (66’).

Fitoren e thellë të mysafirëve e vulosi Raphael Gurreiro, i cili përfitoi nga një gabim i mbrojtjes (90+1′).

Bayerni kësisoj shkon në kuotën e 76 pikëve ndërsa St.Pauli zë pozitën e 16-të me 25 sosh./Telegrafi/