SHBA do të dërgojë mijëra trupa në Lindjen e Mesme – tre javë para kohës së planifikuar

Shtetet e Bashkuara të Amerikës po dërgojnë mijëra marinsa dhe trupa shtesë në Lindjen e Mesme rreth tre javë përpara afatit të planifikuar, kanë thënë për agjencinë Reuters tre zyrtarë amerikanë.

Anija e marinës amerikane USS Boxer, që transporton Njësinë Ekspeditore të Marinës, po niset nga bregu perëndimor i vendit, tha një zyrtar anonim.

▶ Lexo edhe këtë nga Bota

Trump kërcënoi Iranin shkaku i sulmit ndaj Katarit: Do ta rrafshoj me tokë fushën më të madhe të gazit në botë Presidenti amerikan, Donald Trump premtoi se do ta “shkatërrojnë plotësisht” fushën më të madhe të gazit në botë...

Zyrtarët treguan se nuk është marrë asnjë vendim për të dërguar trupa brenda Iranit, por do të forcohet kapaciteti për operacione të ardhshme në Lindjen e Mesme.

Burimet nuk konfirmuan se cili do të jetë roli i trupave shtesë, shkruan skynews.

Rrjeti partner amerikan NBC News raportoi javën e kaluar se rreth 2500 marinsa dhe 2500 detarë shtesë do të dërgoheshin në rajon.

Kur u pyet dje në Shtëpinë e Bardhë për mundësinë e vendosjes së trupave në tokë brenda Iranit, presidenti amerikan, Donald Trump u përgjigj “Nuk po dërgoj trupa askund – dhe nëse do ta bëja, nuk do t’jua thosha”. /Telegrafi/