Barcelona identifikon dy lojtarë nga La Liga si alternativa nëse dështon transferimi i Rashfordit

Barcelona dukej se po afrohej drejt nënshkrimit të përhershëm të Marcus Rashford këtë verë, por marrëveshja nuk është aspak e sigurt.

Sulmuesi i huazuar nga Manchester United ka të ngjarë t’i kushtojë klubit katalanas plot 30 milionë euro, që është klauzola e blerjes në kontratën e tij, ndërsa duhet marrë parasysh edhe paga e lartë që ai përfiton. Rashford gjithashtu i ka bërë të ditur Manchester United se nuk ka ndërmend të rikthehet te klubi.

Reprezentuesi anglez ka pasur një sezon me ulje-ngritje në ‘Camp Nou’, duke treguar formë të shkëlqyer në disa periudha, por duke kontribuar me 10 gola dhe 13 asistime gjatë mungesave për shkak dëmtimi të Raphinha.

▶ Lexo edhe këtë

Ylli i PSG-së është transferimi i radhës “bombë” që Man Utd po përgatit

Nga ana e tyre, si Rashford ashtu edhe trajneri i Barcelonës, Hansi Flick, kanë shprehur dëshirën që ai të qëndrojë, por problemet e Barcelonës me kufirin e pagave bëjnë që asnjë marrëveshje të mos jetë e garantuar.